Ora 20.45 e mbrëmjes së sotme shënon startin e ndeshjes miqësore, Shqipëri-Itali. Siç është bërë me dije edhe më herët, pjesë e kuqezinjëve tanë për këtë miqësore është edhe kapiteni i Vllaznisë, Erdenis Gurishta. Futbollist ky produkt i kampionatit shqiptar, i cili pasi shkëlqeu në dy miqësoret e mëparshme me Arabinë Saudite dhe Katarin, fitoi besimin e teknikut Edi Reja për ta grumbulluar edhe për miqësoren me Italinë.
Lajmet më të fundit të pragndeshjes, Shqipëri-Itali, bëjnë të ditur se në projektin e teknikut kuqezi për formacionin e parë është edhe kapiteni i Vllaznisë, Erdenis Gurishta.
Nga sa bëhet e ditur, Reja ka vendosur të luajë me skemën 3-5-2 duke prezantuar në fushë këtë formacion: Në portëa Berisha, për të vijuar me repartin e mbrojtjes të përbërë nga tre futbollistë. Gurishta nga e djathta, Kumbulla në qëndër dhe Ismajli në të majtë. Në mesfushë, janë programuar Hysaj, Lenjani, Asllani, Bajrami dhe Ramadani, ndërsa në sulm Uzuni me Muçin.
Përfshirja e Erdenis Gurishtës në formacionin e parë në miqësoren e luksit me Italinë, është padyshim një lajm fantastik, jo vetem për kapitenin kuqeblu, por për tërë tifozërinë shkodrane, e cila sonte ka një motiv më shumë për ta ndjekur ndeshjesn, Shqipëri-Itali.
