Kategoria Superiore e futbollit shqiptar luan sot dy duelet e fundit të javës së 16-të. Do të jenë dy ndeshje shumë të rëndësishme, në të cilat, nisur nga pozitat në renditje, skuadrat luftojnë për zonën europiane dhe për mbijetesë në Superiore.
Për Europën luhet në stadiumin e Rrogozhinës, me sfidën mes Egnatias vendase dhe Erzenit mysafir duke filluar nga ora 13:00. Skuadra këto, që respektivisht renditen në vendin e katërt dhe të pestë, me 24 dhe 22 pikë.
Ndërkohë, dueli tjetër mes Teutës vendase dhe Kastriotit mysafir do të luhet në stadiumin “Niko Dovana” duke filluar nga ora 16:00. Durrsakët e drejtuar nga shkodrani Edi Martini janë të fundit në renditje me vetëm 14 pikë, ndërkohë që krutanët e Kastriotit, aktualisht gjenden në vendin e shtatë me 18 pikë. Për Teutën, fitorja është detyrim, pasi në rast të kundërt, rreziku për rënien nga Superliga bëhet edhe më prezente se kurrë.
Java e 16-të e kategorisë Superiore nisi ditën e djeshme me tre duele interesante, mes të cilave ajo Partizani-Vllaznia që u fitua nga kuqeblutë me rezultain 1-2 dhuroi spektakël. Ndërkohë, dy takimet e tjera të ditës së djeshme, Bylisi barazoi në Ballsh 0-0 me Kukësin, ndërsa që Tirana rrëmben tre pikë shumë të rëndësishme në transfertë me Laçin
