Shqipëria u mund me rezultatin minimal 1 me 0 nga Polonia, ndeshje kjo e luajtur mbrëmjen e sotme në stadiumin PGE Narodoëy të Varshavës. Me gol të shënuar nga Sviderski në minutën e 41-të.
Për sulmuesin kuqezi, Sokol Cikalleshi, Shqipëria zhvilloi një ndeshje të mirë, por ishte e pafat në këtë ndeshje.
“Kjo ishte një nga ndeshjet më të forta, por treguam se kemi hapur një faqe të re. Kombëtare me shpirt gare, u mbrojtëm mirë. Ishim kompaktë, tentuam kundërsulmin. I patëm rastet, por ata kanë portier shumë të mirë. Na vjen keq, pasi pësuam gol nga gjysmë rasti. Besoj se kjo Kombëtare i ka bërë shqiptarët të ndihen mirë. Me strategjinë që kishim menduar të rrinim kompakt, t’i prisnim në mesin e fushës, besoj se shkoi mirë. Përveç rastit të golit, ata nuk patën raste të tjera. Mund të evitohej ai gol.”, tha ndër të tjera, për SuperSport, Sokol Çikalleshi.