Vllaznia e vendit të katër në klasifikim me 38 pikë dhe Erzeni një kat më poshtë, në vëndin e pestë me 37 pikë do të përballen pas pak minutash në stadiumin “Loro Boriçi” në kuadrin e javës së 28-të të Abissnet Superiore. Për Vllazninë, e cila sot ka në timon, trajnerin e ri, maqedonasin Goci Sedloski, fitorja është detyrim, ndërkohë që, edhe nga kampi shijakas ka deklarata optimiste për të mos dalë pa pikë nga Shkodra.
Në këto momente, skuadrat janë në nxemje e sipër, ndërkohë që trajnerët kundërshtarë kanë publikuar formacionet zyrtare, me futbollistët që do ta nisin ndeshjen nga minuta e parë.
Vllaznia: Zogoviç, Gurishta, Juriç, Bulatoviç, Hakaj, Jonuzi, Boshnjaku, Çoba, Marku, Latifi, Balaj: Trajner: Goce Sedloski
Erzeni: Xhika, Iljazi, Enk, Peposhi, Kadriu, Kriviçiç, Mehmeti, Kahrimanoviç, Ademi, Alan, Nonato: Trajner: Xhevahir Kapllani
