Java e 23-të e Kampionatit Kombëtar të futbollit për kategorinë e parë, ka konfirmuar dy skuadrat e para të renditjes përsëri në atë pozicion. Bëhet fjalë për Skënderbeun dhe Dinamon, skuadra këto që i fituan ndeshjet e kësaj jave.
Të dyja skuadrat luajtën në fushat e tyre, korçaret mundën Korabin me rezultatin 2 me 0 falë dopietës së Temitopes, ndërkohë që Dinamovitët sfiduan Besën 1 me 0, me gol të shënuar nga Patrik Bardhi. Dy fitore këto me “aromë” Superiore, pasi kryesojn ë tabelën e klasifikimit, Skënderbeu nme 45 pikë dhe Dinamo me 44.
Ndërkohë, skuadra e vendit të tretë, Flamurtari i Vlorës, me barazimin në Burrel, 0-0 është në kuotën e 40 pikëve duke u distancuar me 4 dhe 5 pikë nga dyshja kryesuese duke vënë në pikpyetje mundësinë e kualifikimit në kategorinë Superiore.
Në barazim, 0 me 0 është mbyllur edhe përballja, Tomorri-Apolonia. Ndërsa, dy skuadrat pritëse, Oriku dhe Besëlidhja janë mundur në shtëpi nga Turbina dhe Luzi 2008. Ndër to, fatale është humbja e lezhjanëve, të cilët me vetëm 17 pikë të grumbulluara mbeten të fundit në renditje drejt rënies nga kategoria.
Rezultatet e Javës së 23-të të KK të kategorisë së parë:
Skënderbeu – Korabi 2-0
Dinamo – Besa 1-0
Burreli – Flamurtari 0-0
Tomori – Apolonia 0-0
Besëlidhja – Luzi 2008 0-1
Oriku – Turbina 0-1
Tërbuni – Lushnja 0-3 (në tavolinë)
