Vllaznia-Kinostudio 15-0
(Shënues: Doçi 1’, 12’, 17’, 40’, 44’, 45’, 56’, 57’, 62’, 63’, 73’, 77’, 78’, 87’, Kodra 44’,)
Vllaznia në futboll për femra po shkon drejt rekordit Guinness! Shifrat e arritura gjatë këtij sezoni janë të jashtëzakonshme: 16 ndeshje, 16 fitore, 122 gola të shënuar dhe 0 të pësuar. Shifra këto, të cilat pritet të shënojnë rritje akoma më shumë, pasi Kampionati Kombëtar i futbollit për femra don edhe dy javë për të përfunduar.
Fitorja e fundit është realizuar sot në kuadrin e javës së 16-të të Kampionatit Kombëtar, teksa skuadra kuqeblu e drejtuar nga trajneri Nikolin Leka ka fituar me rezultatin e thellë 15 me 0.
Përpos 15 golave të shënuar në portën kundërshtare, që e çojnë bilancin në shifrat super rekord, 122 gola të shënuar dhe 0 të pësuar, e veçanta e këtij takimi është se 14 prej tyre janë shënuar nga goleadorja e talentuar e Vllaznisë dhe ekipit kombëtar, Megi Doçi, ndërkohë një tjetër i takon Arlinda Kodrës.
Pas kësaj jave, Vllaznia vazhdon të jetë në krye të tabelës së klasifikimit me 48 pikë të plota, e ndjekur me tre pikë më pak nga Tirana, e cila edhe ajo nga ana e saj fitoi me rezultat te thellë 0-15 në përballjen e transfertës me Lushnjen.
Në ndeshjet e tjera, Apolonia fitoi në transfertë me Skënderbeun 0-13, Partizani mundi Kukësin, 5-0, ndërkohë që Laçi mundi në transfertë Teutën 0-2.
Nuk zhgënjeu as Apolonia me Partizanin. Fieraket mundën me rezultatin 13-0 në ndeshjen e zhvilluar ditën e shtunë në Korçë. Partizani mposhti sot Kukësin në shtëpi me shifrat 5-0, duke marrë tre pikë të rëndësishme, që e mbajnë në vendin e katërt në kampionat.
Një fitore të vlefshme mori edhe Laçi në Durrës. Laçjanet triumfuan me rezultatin 2-0, duke ruajtur vendin e gjashtë në kampionat, me katër pikë më shumë se Teuta.
Rezultatet e javës së 16-të të Kampionatit Kombëtarër të futbollit femra
Vllaznia 15-0 Kinostudio
Skënderbeu 0-13 Apolonia
Lushnja 0-15 Tirana
Partizani 5-0 Kukësi
KF Teuta 0-2 Laçi
Gaspër MARKU
