Që Liridon Latifi nuk do të ishte pjesë e Vllaznisë për sezonin e ri futbollistik, një gjë e tillë është deklaruar më herët, gjë të cilën e ka pasqyruar edhe Veriu Sport në kronikat e tij. Por, ndërkohë, zyrtarisht një gjë të tillë e deklaron edhe vetë KF Vllaznia përmes postimit të sotëm në faqen e kuqebluve.
“KF Vllaznia dëshiron të njoftojë se nga sot është mbyllur bashkëpunimi me futbollistin Liridon Latifi. Ne e falenderojmë për gjithçka ka dhënë për skuadrën tonë gjatë këtyre dy viteve, shoqëruar edhe me fitimin e një trofeu të Kupës së Shqipërisë dhe njëkohësisht i urojmë suksese në karrierën e tij të mëtejshme!”
