Pas dy shkodranëve, Ildi Gruda dhe Eslit Sala, maqedonasve Darko Dodev dhe Konstantin Cheshmedjiev, si dhe Redon Dragoshi ka ardhur edhe firma e radhës në kampin kuqeblu.
Bëhet fjalë për serbin Milos Stojanoviç, i cili më herët ka luajtur me Bylisin dhe Kastriotin e Krujës.
“KF Vllaznia dëshiron të njoftojë se nga sot pjesë e tij është edhe futbollisti Milos Stojanoviç. 26 vjeçari luan në rolin e qendërmbrojtësit dhe në sezonin e fundit ka qenë pjesë e ekipit të Kastriotit. Ëelcome Milos Stojanovic!”, thuhet në njoftimin zyrtar të publikuar nga KF Vllaznia mesditën e sotme.
Në këtë mënyrë, numri i blerjeve të Vllaznisë në këtë merkato verore shkon në gjashtë kundrejt 13-të futbollistëve të larguar më herët nga kontigjenti i skuadrës që mbylli sezonin e kaluar futbollistik.
