Tirana e ka mbyllur me një barazim dramatik ndeshjen e saj të parë ndaj Dinamo Batumi në “Air Albania”, në turin e parë të Ligës së Konferencës. Pas ndeshjes Shehi u shpreh:
“Deri diku është ndeshje pozitive duke patur parasysh ndërrimet. Kemi bërë mirë edhe pse gjithmonë ka vend për përmirësim edhe për manovrën sulmuese.
Jemi koshient që është ndeshje me dy takime, kërkonim të ishim më agresivë. Donim ta ftonim kundërshtarin të luante në qendër dhe mendoj se deri diku e bëmë mirë. Por nga fundi mund të merrnim më shumë nga krahët prandaj bëra dhe ndërrimet. Regi bëri një ndeshje të mirë.
Ne e dinim që do të ishte e veshtirë edhe prej efektit kohë sepse kishim lojtarë të rinj që janë afruar kohët e fundit. S’mund ta kristalizoj skuadrën në një kohë kaq të shkurtër me lojtarë të rinj. Mund të evitoheshin disa momente po të ishim më të zgjuar. Edhe tek goli mund ta intepretonim më mirë.
Skuadra meriton komplimente që nuk u dorëzua por këmbënguli, ata treguan në fushë atë që ju thashë në dhomat e zhveshjes. Më të rëndësishëm janë lojtarët e stolit se ata që e nisin ndeshjen.
Është e vërtetë që në disa momente duhet të tregoheshim me të zgjuar sepse u ndëshkuam në ato situata. Por gabimet do të na bëhen mësim.
Në fazën mbrojtëse kishim pak vështirësi por nuk na rrezikuan. Edhe goli ishte i evitiueshëm dhe po të evitosh këto situata ndeshja shkon ndryshe.
Në fazën e sulmit duhet të ishim më lart. Kristal Abazaj duhet të merrtë thellësinë pasi në atë pozicion ishte për shpejtësi dhe marrje thellësie. U munduam që të ndërrojmë pozicionin e Hasanit me Abazajn për të shfrytëzuar shpejtësinë, por ishte faktori i lojtarëve të rinj dhe koha jo e mjaftueshme por sigurisht mund të bënim më mirë.
Pas një ndeshje të parë dhe shikimi të kundërshtarit kemi panoramë më të qartë. Mund të kemi dhe ndryshime. Më vjen mirë që lojtarët që u futën luajtën mirë dhe ndryshuan rezultatin. Por do të shohim për ndeshjen e radhës”.
