Datat e lira nga FIFA po shfrytëzohen edhe nga përfaqësueset e moshave. Ditën e sotme kuqezinjtë e Alban Bushit do të luajnë ndeshjen e parë kualifikuese për Europianin e U-21 ku do të sfidojnë Armeninë.
Takimi nis në orën 17:00 dhe do të zhvillohet në stadiumin “Abovyan City”. Alban Bushi shpreson që ta nisë me fitore këtë fushatë kualifikuese, ndërsa nuk do të mund të bëjë shërbimet e Adrian Pajazitit, i cili është i dëmtuar.
Kujtojmë se Shqipëria është pjesë e Grupit E ku përveç Armenisë bëjnë pjesë edhe përfaqësuesja e Finlandës, Rumanisë, Malit të Zi dhe Zvicrës.
