Kanë përfunduar pjesët e para të dy ndeshjeve që mbyllin javën e 22-të të Kategorisë Superiore, Teuta-Vllaznia dhe Kukësi-Laçi. 45 minuta këto që folën në favorin e durrsakëve dhe të laçjanë, të cilët në mbyllje të kësaj pjese janë në avantazho të rezultatit minimal 1 me 0.
Në stadiumin “Niko Dovana” të qytetit të Durrësit diferencën e ka bërë goli mjeshtror i shënuar nga Dejvi Bregu. Ka qënë minuta e 25-të, kur pas një krosi të dhënë nga goditja e këndit në të djathtë të sulmit durrsak në zonën e Vllaznisë, topi është larguar përkohësisht nga zona e portjerit, por pa dale nga zona e rreptësisë, aty ku ka gjetur Dejvi Bregun që me një harkim perfekt e dërgon topin në trekëndëshin e majtë të portjerit kuqeblu Bojan Zogoviç. 1 me 0 për Teuten, e cila duhet thënë se përgjithësisht minutat e kësaj pjese i ka administruar më mirë se sa Vllaznia. Madje, përpos golit të avantazhit është shfaqur e rrezikshme edhe në disa momente të tjera.
Nga ana tjetër, kuqeblutë, vazhdojnë të mos jenë në formën e duhur sportive, ashtu siç ka qënë kjo skuadër deri në pesë javë më përpara kur filluan disi problemet në lojën Vllaznisë.
Ndërkohë, në ballafaqimin tjetër, Kukësi-Laçi, skuadra e drejtuar nga Shpëtim Duro vazhdon serinë e rezultateve pozotive. Goli i shënuar nga Musta që në minutën e 4-tërt për Laçin ka vijuar të qëndrojë në fuqi deri në mbyllje të pjesës së parë duke mbajtur në fuqi avantazhin laçjan.