Pikërisht në Ditën e Pavarësisë së Shqipërisë është hapur në aeroportin e Rinasit dyqani më i madh me produktet origjinale Macron, i licencuar nga Federata Shqiptare e Futbollit.
Një hapësirë e gjitha kuqezi, ku të gjithë udhëtarët do të mund të gjejnë fanellat e Kombëtares shqiptare, por edhe produkte të tjera të markës kuqezi.
Me një gamë të gjerë produktesh të tjera, ky dyqan, i ndërtuar si një mjedis i mirëmenduar në konceptin e atyre që njihen si dyqane të mëdha në zonat tranzit në aeroportet mbarëbotërore, udhëtarët do të mund të gjejnë edhe suvenirë autentikë shqiptarë, veshje sportive dhe casual me motive tradicionale dhe simbolet kombëtar të Shqipërisë, si edhe të pangatërrueshmin dhe simbolin e shqiptarisë, Plisin tradicional.
