Pro Conto(Mali i Zi)-Vllaznia Futsal 0-3(Shënues: Ari Djepaxhia(2), Besfort Gjoklaj 1
Pro Conto: Nikola Bakraç, Enis Hot, Nemaja Brajoviç, Anfrija Shimshiq, Filip Mitroviç, Bogdan Joshanoviç, Nikola Babiq
Vllaznia Futsal: Fatos Behari, Alsid Tafili, Olsi Gjergji, Semir Gogaj, Besfort Gjoklaj, Ardit Mesi, Semir Hyseni, Alban Bashaj, Denis Çokaj, Ari Djepaxhia. Trajner: Arben Xhaferi
Gjyqtar: Dushan Joviqeviq, Borisav Qirkoviq-Kryegjyqtar: Halil Truma
Dy ndeshje, dy fitore me golaverazhin pozitiv 7-0. Ky është bilanci i ekipit Vllaznia Futsal, icily po konkuron në Tureneun Ballkanit të Futsales “Ulqini Open 2025” me pjesëmarrjen e 16 ekipeve nga rajoni.
Pasi mundi në takimin e parë të grupit B ku bën pjesë, ekipin Sloga me rezultatin 0-4 me golat e Gjoklajt, Djepaxhisë, Tafilit dhe Bashajt, Vllaznia e drejtuar nga trajneri Arben Xhaferi, i cili luan edhe rolin e drejtorit sportiv, regjiostroi edhe fitoren e dytë radhazi në këtë turne.
Futorja e dytë ka ardhur mbrëmjen e enjtes duke sfiduar ekipin tjetër malazeze, Pro Conto me rezultatin 3 me 0.
Ndeshja ka filluar me gol, kur që në minutën e tretë, Ari Djepaxhia kalon në avantazh Vllazninë. Gol ky që qëndron në fuqi deri në mbylljen e pjesës së parë, të ciloën e fiton Vllaznia 0-1.
Rikthimi në fushën e lojës për pjesën e dytë ka të njëjtën pamje, pasi në të njëjtën minutë është përsëri Ari Djepaxhia që shënon golin e dytë dhe të qetësisë për Vllazninë. Por, nuk mjafton me kaq, sepse përpos përpjekjeve maksimale të ekipit malazez për t’i shmangur humbjes, Vllaznia Futsal shënon edhe golin e tretë, këtë radhë me aurtor Besfort Gjoklaj duke bërë që e gjithë ndeshja të mbyllet me fitoren e pastër të Vllanzisë me rezultatin, 0 me 3.
Ndeshja e tretë e Turneut Ndërkombëtar të Futsales që po zhvillohet në sallën sportive “Marshall Tito” të Ulqinit për Vllazninë do të jetë mbrëmjen e së premtes duke filluar nga ora 20:00 ku përballë do të kenë skuadrën tjetër malazeze, Pablo’s Bar.
Veriu Sport ishte i pranishëm në sallën sportive “Marshall Tito” të Ulqinit duke fiksuar spektaklin e Vllaznisë në fushën e lojës, teksa mundi malazezët e Pro Conti 0-3. Bëjmë me dije se ndeshjen e plotë, Pro Conto-Vllaznia mund ta ndiqni në kanalin tonë zyrtar, Veriu Sport-YOUTUBE.
(Video) Pamje dhe golat e ndeshjes, Pro Conto-Vllaznia Futsal e fituar nga kuqeblutë 0-3)
Gaspër MARKU
