E filluar dje me tre duelet e para, ku Bylisi, Egnatia dhe Vllaznia fituan përkatësisht ndaj Dinamos 2-1, Laçit 1-0 dhe Tiranës 2-1, ditën e sotme do të luhen dy takime tjera mjaftë të rëndësishme dhe shumë interesante në Abissnet Superiore, sfida të vlefshme për javën e 20-të të kampionatit. Në orën 17:00 do të luhet paralelisht në Tiranë dhe Elbasan.
Në “Elbasan Arena” do të sfidohen mes tyre Elbasani dhe Teuta. Duel ky që vë përballë dy ekipe që ndodhen në mesin e tabelës së klasifikimit. Në fakt vetëm dy pikë i ndan ekipe mes tyre,me verhdeblutë që ndodhen në vendin e 5-të me 25 pikë,ndërsa durrsakët i ndjekin me 23 pikë.
Ndërkohë luhet edhe në “Arenën e Demave”. Partizani pret Skënderbeun në një takim shumë të rëndësishëm për objektivat e skuadrave. Demat pas humbjes së Dinamos do të tentojnë fitoren për të kapur vendin e parë në klasifikim,teksa aktualisht kanë 1 pikë më pak se dinamovitët. Nga ana tjetër korçarët të ndodhur në vendin e fundit tentojnë 3 pikët për të shpresuar deri në fund te mbijetesa.
Kalendari i javës së 20-të Abissnet Superiore
Dje
Bylis-Dinamo 2-1
Egnatia-Laçi 1-0
Vllaznia-Tirana 2-1
Sot
Partizani-Skënderbeu(17:00)
Elbasani-Teuta(17:00)
Fatos LAMAJ
