Veriu Sport e paralajmëroi dy ditë më parë, ndërkohë që sot Klubi i Basketbollistit Vllaznia ka konfirmuar zyrtarisht sot rikthimin në Shkodër të basketbollistit të tyre Veton Gjeçaj.
I konsideruar si një nga talentet më të fundit të basketbollit shkodran dhe atij shqiptar, Gjeçaj u preferua nga Klubi i Basketbollit Bashkimi në Prizren të Kosovës, ku edhe luajti me sukses gjatë pjesës së parë të sezonit.
Por nisur nga nevojat e shfaqura në ekipin e Vllaznisë, drejtuesit e klubit të koshit, në bashkëpunim me me ato të Prizrenit kanë janë mirëkuptuar që Gjeçaj të rikthehet në ekipin kuqeblu për të kontribuar për ngjyrat kuqebli.
Veton Gjeçaj rikthehet te Vllaznia!
Me marrëveshje huazimi nga Bashkimi, Veton Gjeçaj do të jetë pjesë e ekipit tonë deri në fund të sezonit. Jemi të lumtur që e shohim sërish me fanellën e Vllaznisë dhe presim kontributin e tij në sfidat që na presin!
Bashkë për të dhënë maksimumin!
Faleminderit ekipit të Bashkimit për bashkëpunimin.
