Java e 22-të e kategorisë Abissnet Superiore do të do të luhet këtë fundjavë e ndarë në 2 ditë. Kryendeshja e kësaj jave është padyshim përballja mes Vllaznisë dhe Egnatias, dy skuadra rivale që janë pjesë e këtërshes së parë kryesuese të kampionatit.
Dueli në fjalë është programuar nga sektori i garave pranë Federatës Shqiptare të Futbollit të luhet në oren 17:00 të së dielës së 26 janarit. Interesant është fakti, se të dyja skuadrat vijnë në këtë përballje pas fitoreve të thella në trasnfertë me të njëjtin rezultat 0 me 4, ku Egnatia mundi Tiranën në stadiumin “Arena Kombëtare” dhe Vllaznia bëri të njëjtën gjë duke mundur korçarët në stadiumin “Skënderbeu”.
Me këto fitore, Vllaznia është pjesë e treshes kryesuese të kampionatit së bashku me Partizanin dhe Dinamon duke qënë në kuotën e 37 pikëve, ndërkohë që vetëm një pikë më pak, në vend të katërt është Egnatia.
Në të njëjtën orar me çiftin Vllaznia-Egnatia do të luhet dueli tjetër, Elbasani-Laçi, ndërkohë që java e 22-të e Abissnet Superiore nis që të shtunën, ku në program është një tjetër supersfidë po aq e rëndësishme, ku në orën 16:30, dy skuadrat e kreut, Partizani dhe Dinamo do të përballen në stadiumin “Arena e Demave” në derbin tradicional që premton spektakël dhe pritet një duel majft emocionues.
Paralelisht me derbin, Partizani-Tirana, në orën 16:30 do të luhet edhe një tjetër ndeshje interesante, ajo Skënderbeu-Teuta. Korçarët kërkojnë pikë për të mbijetuar, ndërsa durrsakët për t’iu larguar sa më shumë zonës së ftohtë, dhe pse jo për t’iu afruar katërshes së parë kryesuese. E vetmja ndeshje që është programuar të luhet në orën 13:30, është Bylis-Tirana në orën 13:30, takim i cili do të zhvillohet mesditën e së shtunës në stadiumin “Adush Muça” të Ballshit.
Java e 22-të e Superiores
E shtunë, 25 janar
Bylis – Tirana, ora 13:30 (“Adush Muça”)
Partizani – Dinamo, ora 16:30 (“Arena e Demave”)
Skënderbeu – Teuta, ora 16:30 (Stadiumi i Skënderbeut)
E diel, 26 janar
Elbasani – Laçi, ora 17:00 (“Elbasan Arena”)
Vllaznia – Egnatia, ora 17:00 (“Loro Boriçi”)
Fatos LAMAJ
