I ndarë nga jeta dy ditë më parë në moshën 57 vjeçare, ish notari kampion i Vllaznisë Zamir Kozmaj është përcjellë me shumë respekt për në banesën e fundit nga komuniteti shkodran, mes të cilëve ishin edhe kolegët e tij të notit shkodran dhe më gjërë.
Në prononcimet e tyre dhënë për Veriu Sport, Fatmir Halili, një ish notar i njohur i Vllaznisë, kujton vitet kur ish kolegu e ekipit Zamir Kozmaj, konkuronte me shumë sukses në garat e stilit të bretkosës., por edhe në disiplinën e sportit të Vaterpolit, ku Zamiri ishte shumë i spikatur.
Kujtime për jetën sportive të Zamir Kozmajt, sjellin edhe ish notari kampion Mehdi Muriqi, në familjen e të cilit u rrit Zamiri, por edhe Kozmajt e tjerë të notit shkodran, si Kimetja. Osmani, Kudreti, Liria, etj.
Të prekur rëndë nga kjo humbje e parakoshme në moshën 57-vjeçare të ish notarit Zamir Kozmajt, janë, edhe Osman dhe Noris Kozmaj. I pari, një ish sportist, por edhe një piktor dhe poet i afirmuar, si vëllai i madh i Zamirit, si dhe Norisi, ish futbollist dhe aktualisht arbitër futolli, djali i të njerit Zamir Kozmaj, krahas jetës sportive, vënë në dukje vlerat e tij shembullore si familjar model, shumë i dashur dhe bashkëpunues me shokët e miqtë e sportit dhe më gjërë në jetën e përditshme.
(Video) Prononcimet e plota në video të ish notarëve, Fatmir Halili dhe Mehdi Muiiqi, vëllait dhe djalit të Zamir Kozmajt, Osman Kozmaj, Noris Kozmaj, si dhe pamje nga ceremonia e përcjelljes për në banesën e fundit të të ndjerit Zamir Kozmaj, mund t’i ndiqni në kanalin tonë zyrtar, Veriu Sport-YOUTUBE.
Gaspër MARKU