Liqenorët janë në garë për një pozicion më të mirë në renditje, çka do t’u jap mundësinë të luftojnë dhe të shpresojnë,e pse jo edhe për Superioren. Por duket se javët në vazhdim janë pikërisht ato që do të vendosin, jo vetëm për liqenorët, por mund të jenë edhe përcaktues për ekipin që do të fitojë titullin e kampionit.
Pogradeci ka përpara tre ndeshje shumë të vështira, por njëkohësisht këto do të shërbejnë si një test i fortë për ekipin, duke e bërë edhe më të besueshëm për të ardhmen. Kështu liqenorët do të ndeshen me Besën,Vorën dhe Flamurtarin. Besa e vendit të tretë, Flamurtari i vendit të dytë dhe Vora e vendit të parë.
Por liqenorët nëse fitojnë ndaj Vorës, mund të hapin mundësinë që Flamurtari të luftojë për vendin e parë, ndërsa nga ana tjetër një fitore do t’i jepte mundësinë Vorës të shkojë drejt titullit kampion.
Megjithatë liqenorët duhet të bëjnë llogaritë për veten e tyre dhe të synojnë një pozicion më të lartë, për tu bërë më të favorizuar. Gjithsesi ata janë ende në garë dhe kjo garë pritet të jetë emocionuese deri në fund.
Fatos LAMAJ