KF Vllaznia Futsal është në prag të zyrtarizimit të dy-tre blerjeve cilësore, të cilat pritet ta përforcojnë skuadrën kuqeblu për ndeshjet ndërkombëtare të para-eliminatore të Futsal Champions League 2025/26.
Një gjë të tillë e bën të ditur për Veriu Sport, drejtori teknik i KF Vllaznia Futsal, Arben Xhaferi, i cili madje sakëtëson edhe destinacionin ku ai dhe kolegu e tij i stafit teknik Alsid tafili kanë peshkuar për këtë merkato verore. Sipas, ato janë sportistë profesionistë me shumë përvojë në futsal të kampionatit malazes, zyrtarizimi i të cilëve pritet të bëhet shumë shpejt nga presidenti i KF Vllaznia Futsal, Fisnik Barbullushi.
Siç dihet, Vllaznia e Futsales është kampionia e Shqipërisë për sezonin 2024-1025, që është historike për skuadra kuqeblu duke fituar kështu të drejtën të luajë në Futsal Champions League 2025/26.
Ndeshjet para-eliminatore të Futsal Champions League 2025/26 do të zhvillohen në datat 26–31 gusht dhe në fazën tjetër do të kualifikohen vetëm skuadrat e renditura në vendin e parë në secilin grup.
Edhe pse shorti i ka vënë përballë ekipeve të forta, si Tigers Roermond (Holandë), KMF Bajo Pivljanin (Mali i Zi) dhe Ísbjörninn (Islandë), drejtori teknik i futsales shkodrane Arben Xhaferi, është optimist për një prezantim dinjitoz të Vllaznisë duke synuar konkretisht vendin e parë në grup, si dhe vazhdimin më tej në Futsal Champions League 2025/26..
Në këtë fazë para-eliminatore të Futsal Champions League marrin pjesë 32 skuadra europiane, të ndara në 8 grupe me nga katër ekipe secila. Ndeshjet e turit para-eliminator do të zhvillohen në datat 26–31 gusht në Tiranë dhe në fazën tjetër do të kualifikohen vetëm skuadrat e renditura në vendin e parë në secilin grup.
(Video) Prononcimin e plotë të Arben Xhaferit, Drejtor Teknik i KF Vllaznia Futsal, mund ta ndiqni në kanalin tonë zyrtar, Veriu Sport-YOUTUBE.
Gaspër MARKU
