Vllaznia, u mund në sfidën e parë europiane nga skuadra letoneze, Daugavpils me rezultatin 0 me 1. Një ndeshje në fakt tërësisht e dominuar nga kuqeblutë që shpërdoruan raste pa fund, ndërkohë, që në të vetmen gjuajte në portën shkodrane, miqtë realizuan në minutën e 85-të duke u larguar nga Shqipëria me fitore të sfidës së parë të Conferencë League.
Megjithatë, ajo çfar tërhoqi vemendjen gjatë ndeshjes, ishte paknaqësia dhe reagimet e shumta nga kampi kuqeblu në drejtim të arbitrit të ndeshjes, ku sipas tyre, iu mohuan tre penallti.
Një gjë të tillë e pohoi edhe trajneri i Vllaznisë, Edi Martini, i cili prononcimin e dhënë pas ndeshjes, tha:
“Më vjen keq që nuk kishte VAR kjo ndeshje, sikur të kishte VAR, jam i bindur që janë dy penallti që duhet të na jepeshin. Të paktën dy, sepse une mendoj se janë edhe tri.
Por, gjithësesi, tash pas ndeshjes, nuk vlen të flasësh më, të ulim kokën, të punojmë fort, sepse kemi edhe ndeshjen tjetër, ku do të luftojmë ta përmbysim”, u shpreh ndër të tjera, tekniku kuqeblu.
(Video) Prononcimin e plotë të trajnerit të Vllaznisë Edi Martini, mund ta ndiqni në kanalin tonë zyrtar, Veriu Sport.
Gaspër MARKU
