Lara Colturi ishte e pafat në Courchevel, ndalesën e 11-të sezonale të Kupës së Botës në Ski për femra, pasi nuk arriti të përfundonte garën, për shkak të një gabimi në zbritjen e parë.
Skiatorja 19-vjeçare që përfaqëson Shqipërinë në këtë komepticion ka humbur vendin e tretë në renditjen e përgjithshme pas përfundimit të garës në Courchevel.
Lara nuk arriti të grumbullojë pikë në pistën franceze dhe mbeti në kuotën e 302 pikëve në klasifikim. Kanë përfituar Camille Rast, Emma Aicher dhe Paula Moltzan, që kanë parakaluar skiatoren shqiptare në renditje dhe aktualisht Lara Colturi mban vendin e 6-të pas përfundimit të 11 garave.
Renditjen e përgjithshme e kryeson Mikaela Shifrin, fituesja e garës së fundit në Courchevel, me 558 pikë, e ndjekur nga Alice Robinson me 394.
Kujtojmë që Kupa e Botës në Ski për femra është një ekskluzivitet i Radio Televizionit Shqiptar, sjell për publikun shqiptar të gjitha garat e Lara Colturit në këtë kompeticion.
