Edlir Tetova do jetë trajneri i ri i skuadrës së Teutës. Një lajm i tillë ëshë bërë i ditur nga drejtuesi aktual i skuadrës durrsake, Bledar Hodo, i cili konfirmoi gjithçka pas ndeshjes ndaj Pogradecit, të fituar 1-0.
Në intervistën pas ndeshjes të dhënë për emisionin “Super Gol”, Hodo theksoi: “Edlir Tetova do jetë trajner i Teutës, unë do jem pjesë e stafit”.
Për ndeshjen: “Duhet t’i kërkojmë falje tifozëve, që e sollëm deri në këtë situatë. I tillë është futbolli. Unë personalisht e prisja një ndeshje të tillë, isha i përgatitur. Por janë emocione shumë të forta, kemi dalë kampionë, kemi marrë Kupë, por kjo është diçka tjetër komplet”.
