Ekipi kombëtar U17 meshkuj ka nisur fazën e grumbullimit në palestrën sportive “Farka Volley”, në kuadër të përgatitjeve për pjesëmarrjen në Kampionatin Ballkanik U17, i cili do të zhvillohet në Tiranë në datat 04-08 gusht.
Ky është ekipi i gjashtë kombëtar që Federata Shqiptare e Volejbollit grumbullon dhe që do të përfaqësojë Shqipërinë në kompeticionet ndërkombëtare gjatë kësaj vere.
Pjesë e kombëtares U17 të volejbollit janë edhe pesë përfaqësues të Vllaznisë: Volejbollistët, Deanio Brunga organizator, Enea Grima shyter, Dion Ibershimi qëndër dhe David Mitku libero, ndërkohë që Fatjon Çekini është në cilësinë e Zëvendëstrajnerit.
