Akademia e Futbollit Vllaznia ka nisur prezantimin zyrtar të ekipeve zinxhir për sezonin 2023-2024. E ka filluar me prezantimin e ekipeve U15, U14 dhe U14, me të gjithë kontigjentin e futbollistëve që kanë në dispozicion, si dhe stafet teknike drejtuese.
Konkretisht, sa i përket stafeve teknike, Vllaznia U-15 ka për drejtues trajnerin Denis Zmijani dhe kolegun e tij zv.trajner Andrea Ashta dhe trajnerin e portjerëve, Bujar Celufaj.
Ndërkohë, Vllaznia U-14 ka për trajner Brikeno Bizi dhe zv.trajner Gjon Kola, si dhe Vllaznia U-13 me trajner të parë Haris Dalipi dhe përgatitës tletik Arben Parmeza.
Nga sa mësohet, gjatë ditëve në vazhdim, pritet të prezantohen edhe fotot zyrtare të ekipeve të tjerë të Akademisë së Futbollit Vllaznia.
