Një tjetër vlerësim për gjyqtarin shqiptar Enea Jorgji, pasi UEFA i ka besuar drejtimin e supersfidës së Ligës së Konferencës, atë mes Ajaksit dhe Aston Vilës në “Johan Cruijff Arena” këtë të enjte.
UEFA ka zgjedhur një katërshe shqiptare për këtë takim të rëndësishëm, që cilësohet si një finale e parakohshme, pasi të dyja skuadrat janë mes pretendentëve për të fituar trofeun.
Denis Rexha dhe Ridiger Çokaj do të jenë asistentë të Jorgjit, ndërsa arbitër i katërt është zgjedhur Eldorjan Hamiti.
