Janë publikuar emrat e arbitrave që do të vendosin drejtësi në miqësoren Shqipëri-Izrael, që do të luhet më 3 qershor në orën 20:00 në stadiumin “Air Albania”.
Malazezi Milos Savovic do të jetë gjyqtari kryesor i takimit, ndërsa Marko Gojković dhe Vladislav Radenović do të jenë asistentët e tij. Juxhin Xhaja do të jetë arbitër i katërt i kësaj miqësoreje.
Ndërkohë që një skuadër arbitrash kosovarë do të vendosë drejtësi në miqësoren Shqipëri-Luksemburg, që do të luhet më 6 qershor në orën 20:00 në stadiumin “Air Albania”.
Genc Nuza do të jetë arbitri kryesor i takimit, ndërsa Fatlum Berisha dhe Bujar Selimaj do të jenë asistentët e tij. Eldorjan Hamiti do të jetë arbitër i katërt i kësaj miqësoreje.
