Monday, July 15, 2024

Ballkani i Ilir Dajës, dominon me lojë dhe raste në transfertën e Kazakistanit, por në fund 0-0 përballë Astanës

Lexo

Ballkani ka të mbizotëruar të enjten ndaj Astanës, por nuk ka arritur të marrë më shumë se një pikë në Kazakistan, në takimin e vlefshëm për grupin C të Ligës së Konferencës. Në duelin e zhvilluar në stadiumin “Astana Arena”, skuadra e Ballkanit ka sulmuar vazhdimisht dhe ka kërkuar golin, por ishte e pafat. Që prej fillimit të ndeshjes, kampionia e Kosovës tregoi se drejt Kazakistanit nuk kishte udhëtuar për t’u mbrojtur dhe rrezikoi e para në minutën e katërt, kur Nazmi Gripshi gjuajti mbi portë. Edhe pas rastit të Gripshit, që ishte më i miri në pjesën e parë, Ballkani ka provuar sërish ta zhbllokojë rezultatin dhe, në minutën e 32-të, Almir Kryeziu pati një rast të volitshëm, por u ndal nga portieri vendas.

Astana provoi kryesisht nëpërmjet kundërsulmeve, por pa rezultat. Ballkani ishte edhe më kërkues edhe në pjesën e dytë, sidomos në minutat e fundit të takimit kur shpërdoroi tri raste të arta. Fillimisht, në minutën e 73-të, Gripshi goditi nga një largësi prej më shumë se 20 metrash, por topi përfundoi jashtë, pranë shtyllës pingule, ndërsa i njëjti futbollist pati rast tjetër në minutën e 82-të, pas një kundërsulmi të shpejtë, por portieri vendas i mohoi golin.

Pak minuta më vonë, edhe Arbër Potoku u mundua të përfitoi nga rrëmuja brenda zonës së Astanas, por gjuajti dobët dhe topi përfundoi në duart e portierit. Me këtë barazim, Ballkani mbetet ende në lojë për të kaluar grupin, kur kanë mbetur edhe dy ndeshje për t’u zhvilluar deri në fund të kësaj faze, teksa ka 4 pikë në po aq ndeshje, po aq sa ka edhe Astana. Ndeshjen e radhës, Ballkani e luan më 30 nëntor, kur Viktorian e Plzenjit në stadiumin “Fadil Vokrri” në Prishtinë.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img