Dueli i fundit i javës së 19-të të Abissnet Superiore, Teuta-Dinamo mbyllet në barazim pa gola duke bërë që të dyja skuadrat të ndajnë nga një pikë.
Ndeshja e luajtur mbrëmjen e sotme në stadiumin “Niko Dovana” të Durrësit ka qenë e luftuar dhe me raste në të dyja portat respektive, por pavarësisht përpjekjeve të të dyja skuadrave, si Teuta edhe Dinamo nuk kanë arritur që të gjejnë rrugën e rrjetës.
Megjithatë, teuta ka dalë nga fusha e lojës më e dëmtuar, pasi, pas vërshëllimës përfundimtare nga arbitri Juxhin Xhaja, një replikë me kapitenin e Teutës Blerim Kotobelli, ka bërë që Xhaja të nxjerrë kartonin e kuq për shiritin durrsak.
Për Teutën e drejtuar nga trajneri Enkeleid Dobi, kjo është javë e gjashtë në kampionat që nuk fiton dhe me këtë barazim shkon në kuotën e 26 pikëve në klasifikim, ndërsa Dinamo arrin kuotën e 33 pikëve, po aq sa Vllaznia.
