Turneu i Boksit Profesionist, i emëruar “Nata e kampionëve”, është gati për start. Unioni i Boksit Shqiptar, që është edhe organizatori i këtij eventi shumë të rëndësishëm që zhvillohet sonte në pallatin e sportit “Qazim Dervishi” të Shkodrës duke filluar nga ora 17:00, mbrëmjen e djeshme realizua peshimin e konkurentëve të peshave përkatëse.
Sipas Jani Nano – Supervizor (Sekretar i Përgjithshëm i Unioni i Boksit Shqiptar (UBSH), në bazë të zyrtarizimit të kundërshtarëve të secilës peshë si dhe peshimit të secilit konkurent, për mbrëmjen e sotme do të kemi 6 ndeshje, 5 prej tyre të kategorisë profesioniste, si një e kategorisë amatore.
Aktiviti nis pikërisht me çitin amator në mes dy boksierëve shqiptarë, Bekim Vjerdha Vllaznia dhe Redis Karaj Studenti për të vijuar më pas me katër ndeshjet e para profesioniste, ndërkohë që në fund është planifikuar, ndeshja e mbrëmjes, siç e quajnë organizatorët, aty ku për peshën +91 kg, do të boksojë kampioni shkodran Nelson Hysa duke pasur përballë kampionin e Çekisë, Pavel Sour.
Ja kalendari i plotë i ndeshjeve:
(Amatore):
Bekim Vjerdha(Vllaznia)-Redis Karaj(Studenti)
(Profesioniste):
1- (72kg) Armando Grishaj(Albani)- David Romanic (B/H)
2- (76kg) Senad Drini(Albani) – Kearon Thomas (GBR)
3- (91kg) Viktor Mihailovic (MNE) – Aleksa Kesic (B/H)
4- (79kg) Arjon Kajoshi(Albani) – Aliaksnder Dzemka (BLR)
Ndeshja e Mbrëmjes
5- (+91kg) Nelson Hysa(Albani) – Pavel Sour (Çeki)
Aktiviteti mbikqyret nga UBSH- Unioni i Boksit Shqiptar
Jani Nano – Supervizor (Sekretar i Përgjithshëm i UBSH)
Ethem Ibrahimi – Inspektor/Kryegjyqtar
Arbitra & Gjyqtarë:
Baftjar Abazaj (Shqipëri)
Latif Demolli (Kosovë)
Oltion Kraja (Shqipëri)
Marsel Dhima (Shqipëri)
Mjek – Theodhor Mile
Nga sa bëhet e ditur, Turneu i Boksit Profesionit-“Nata e Kampionëve”, do të transmetohet drejtpërdrejt nga pallati i sportit, “Qazim Dervishi” në RTSH Shkodra dhe RTSH Sport.
Gaspër MARKU