Kombëtarja shqiptare e Boksit është pjesëmarrëse në Kampionatin Botëror i cili zhvillohet në Tashkent (Uzbekistan). Në përbërje të ekipit tonë kombëtar bëjnë pjesë boksierët: Arjol Zeneli, Krenar Zeneli të Flaurtarit, Ani Haxhillari, Denis Nurja të Studentit, dhe dy shkodranët e Vllaznisë, Arjon Kajoshi dhe Nelson Hysa.
Pjesë e delegacionit sportive shqiptar, janë edhe dy trajnerët e ekipit kombëtar, vlonjati Gëzim Zeneli dhe shkodrani Lazarin Vila, ndërkohë që për arsye personale nuk ka mundur të udhëtojë me skuadrën kryetrajneri i kombëtares, Zef Gjoni.
Nga sa bëhet e ditur, ndeshjet e botërorit të Uzbekistanit, do të nisin me datë 1 maj dhe do të vazhdojnë deri me datë 14 maj. I urojme suksese ekipit tonë kombëtar për një përfaqësim sa më dinjitoz.
