Bylis-Partizani 2-1(Shënues: Gjata 37′, Kamara 45’/Keko 50′)
Bylis:Hasanbelli,Bruno,Maçolli,Gjata,Kamara,Ruçi,Malomo,Ofori,Marku,Peralta,Përgjoni Trajner:Nevil Dede
Partizani:Qirko,Mehmeti,Ismaili,Cara,Preka,Bintsuka,Taipi,Sembene,Hadroj,Domgjoni,Mba Trajner:Arbër Abilaliaj
Gjyqtarë:Olsion Yzeiraj(Patos),Xhuljo Mani(Tiranë),Edlir Malo(Lushnje),Kreshnik Barjamaj(Tiranë) Var:Adrian Beqiraj(Tiranë) Avar:Olsid Ferataj(Patos) Delegat:Mario Kërtusha(Durrës) Vëzhgues:Prek Pjetrushi(Lezhë)
Bylisi ka arritur një fitore shumë të rëndësishme mbijetese për javën e 17-të të Abissnet Superiore. Pas Vllaznisë, që e mundën dy javë më parë, ballshiotët bëjnë të njëjtën gjë edhe ndaj Partizanit.
Në sfidën e luajtur që prej orës 13:30 në stadiumin “Adush Muça” të Ballshit, skuadra e Nevil Dedes ka arritur të mar tre pikët falë dy golave të realizuar në pjesën e pare. Të kuqtë bëjnë një pjesë të parë shumë të keqe pas momentit të pësimit të golit të parë. Kjo i dha mundësinë Bylisit të shkëputej dhe të shënonte dhe të dytin falë një ish-të kuqi si Kamara. Kujtojmë që goli i parë u shënua Mario Gjata me një super gol nga hiçi.
Shpresat për 1 pikë të Demave i mbajti gjallë Albers Keko, fill pasi u hodh në fushë. Goli për Partizanin i shënuar nga Keko në pjesën e dytë u duk sikur hapi takimin, por ballshiotët e drejtuar nga Nevil Dede arritën të administronin avantazhin deri në fund të ndeshjes duke e fituar atë me rezultatin, 2 me 1.
Kështu, Partizani ngel prapa Egnatias në Superiore duke mos i parakaluar dot. Për ballshiotët kjo është një pikë me shumë vlerë dhe që rrit optimizmin brenda ekipit.
Fatos LAMAJ
