Dinastia Zidane vazhdon. Pas Lucas, portier i Eibar, Theos, mesfushor i Real Madrid Castilla dhe Enzos, mesfushor që ka luajtur me Alavés, Almería dhe Rayo Majadahonda (aktualisht lojtar i lirë), edhe djali më i vogël i Zinedine Zidane është gati për të nisur një aventurë në futbollin profesionist.
Elyaz është shumë pranë transferimit te Betis. Më i vogli i djemve të Zinedine Zidane është gati për të bërë hapin e madh në karrierë. 18-vjeçari (i mbushi në 26 dhjetor të vitit të kaluar) do të firmosë një kontratë 3 vite e gjysmë me Betisin e Seviljes.
Elyaz luan si mbrojtës i majtë dhe ka spikatur në skuadrat e moshave të Realit të Madridit. Por aktivizimi i pakët nga Álvaro Arbeloa te Real Madrid U19 ka detyruar lojtarin që të provojë një aventurë të re te Betisi.