Sot ka startuar Kampionati Kombëtar i Volejbollit për femra të rritura. Në javën e parë, Vllaznia priti në fushën e saj Apoloninë e Fierit, ndeshje e cila përfundoi me rezultatin 3 me 0 në favor të skuadrës kuqeblu.
Për trajneren Nora Deda, një emër shumë i njohur në vite i volejbollit shkodran dhe i kombëtares kuqezi, që në këtë start të kampionatit kishte edhe debutimin e saj si trajnere e Vllaznisë, fitorja në fjalë duket se është përjetuar jo pak emocinalisht.
Kënaqësinë e arritjes së kësaj fitoreje, Nora, ka preferuar ta ndajë me miqtë e saj përmes një postimi emocional në rrjetin social FB.
“Një fillim i mbarë…Ndeshja e parë me fitore. Rezultati i matshëm me çdo rrahje të zemres sime… Vllaznia-Apollonia 3-0. Siç duket, një klimë pozitive po ndërtohet… Nuk është çështje fati, është punë, sakrifice dhe shumë përkushtim.Vllaznia e Shkodrës është djepi që përkund me dinjitet talente, vlera dhe rezultate, si një zonjë e nderuar… Shkodra është oksigjen për gjithë Shqipërinë… Një fillim i Ri po vjen… Është Lëvizja për Ndryshim që po ngjall shpresat Shqipëtarëve… Suksese të gjithë së bashku!!!”, shkruan trajnerja e Vllaznisë, Nora Deda, në postimin e saj në rjetin social FB.
