Ish-sulmuesi është nën hetim nga Federata Afrikane e Futbollit. Në Kupën e Botës në Katar ai pati një sherr të madh me një gazetar algjerian.
Fiksimi i ndeshjeve, shpërdorimi i pushtetit, kërcënimet fizike, nxitja e dhunës dhe përhapja e informacionit të rremë në Kamerun. Këto janë disa nga akuzat e ngritura ndaj Samuel Eto’o, ish-kampion i Interit dhe Barcelonës dhe president i federatës së futbollit të Kamerunit prej dy vitesh.
Kjo është shkruar nga The Athletic, një portal i besueshëm i huaj, i cili raportohet se konsultoi mesazhet, emailet, letrat dhe regjistrimet audio të ËhatsApp-it të dorëzuara nga ish-zëvendëspresidenti i Fecafoot, Henry Njalla Quan Junior, në Komitetin Ekzekutiv të FIFA-s. Federata Afrikane e Futbollit ka hapur tashmë një hetim.
Është e rëndësishme të theksohet se dosja e paraqitur nga Henry Njalla Quan Junior mbetet për t’u provuar. Sipas këtij të fundit, ndeshja midis Njalla Quan Sports Academy (NQSA) dhe Kumba City është e trukuar, me Eto’o që ka dhënë indikacione për gjyqtarët se si të sillen.
