Wednesday, July 24, 2024

Euro 2020-Dita e gjashtë/Rusia mund Finlandën 1 me 0, vendos goli i Miranchuk dhe hapo rrugën drejt kualifikimit në grupin B

Lexo

Edhe pse finlandezët e nisën mirë sfidën, madje duke gjetur dhe rrugën e rrjetës me heroin e sfidës ndaj Danimarkës, por VAR e anulloi për pozicion jashtë loje, në përfundim të ndeshjes ato kanë pranuar humbjen ndaj Rusisë vendase. Sfida, Rusi-Finlandë, e luajtur në Gazprom Arena në Shën Petersburg, ka përfunduar me rezultatin 1 me 0 për vendasit rusë. Golin e vetëm të takimit që i dhuroi fitoren rusëve e shënoi Miranchuk në minutën e dytë shtesë të pjesës së parë.

Me këtë fitore duhet thënë se rusët “harrojnë” humbjen 3-0 që pësuan kundër Belgjikës në debutimin e tyre europian duke mundur Finlandën 1-0. Një pjesë e parë jo shumë emocionuese përfundon me avantazhin rus të nënshkruar nga Miranchuk, autor i një goditje të bukur me të majtën nën kryqëzimin e shtyllave. Vendasit janë shumë afër dyfishimit disa herë, por rezultati nuk ndryshon. Rusia lidh Finlandën me 3 pikë në Grupin B të Euro 2020.

Mund të thuhet, “e mirë e dyta” për Rusinë, që gjen një fitore me peshë kundër finlandezëve, për të shpresuar kualifikimin për në raundin tjetër të Euro 2020. Në fakt, me këtë fitore rusët ngjiten në vendin e parë në Grupin B, në kuotën e 3 pikëve, duke pritur sfidën e nesërme, atë mes Danimarkës dhe Belgjikës.

Pjesa e parë përfundon me avantazhin e vendasve të nënshkruar nga Miranchuk. Lëvizja perfekte e mesfushorit të Atalantës, i cili në zonën kundërshtare, pas një-dy me Dzyuba, dërgon topin në kryqëzimin e shtyllave të portës.

Në pjesën e dytë rastet nuk mungojnë, por rezultati mbetet i pandryshuar deri në fund. Disfata ndaj Belgjikës duket se është harruar tashmë për rusët. Tani traineri Kanerva do të duhet të shpresojë për një tjetër arritje të hënën e ardhshme: kësaj here kundër Lukaku dhe shokëve të tij të skuadrës.

STATISTIKA

Finlanda ka humbur katër nga pesë ndeshjet e fundit, ndërsa në shtatë ndeshjet e mëparshme kishte pësuar vetëm një humbje. Fitorja e fundit e Rusisë në Kampionatin Europian daton në qershor 2012 në ndeshjen e tyre të parë të fazës së grupeve të edicionit 2012: 4-1 kundër Republikës Çeke.

Rusia mbajti rezultat të pastër në një lojë të Kampionatit Europian për herë të parë që nga qershori 2008, kundër Suedisë, pasi kishte pësuar të paktën një gol për nëntë ndeshje radhazi.

Mes Europianit dhe Botërorit, Rusia ka fituar tre nga pesë ndeshjet e fundit: po aq sa në 12 të mëparshmet.

Goli i gjashtë nga Aleksey Miranchuk me Rusinë; i fundit ishte më 19 nëntor 2019 (Kualifikueset e Europianit) kundër San Marinos; theu një agjërim nëntë ndeshjesh me radhë.

Artem Dzyuba ka marrë pjesë në 22 gola (14 gola, tetë asistime) në 21 ndeshjet e fundit të luajtura për Rusinë në të gjitha garat.

Finlanda-Rusia është ndeshja e parë e EURO 2020 në të cilën nuk ka pasur asnjë goditje në shenjë në gjysmën e parë të lojës.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img