Oriku-Flamurtari 1-4(Shënues: Llojaj 87′(11-m) / Berisha 28(11-m), Barri 40′(11-m), 76′,Keneth 58′)
Flamurtari ka siguruar një fitore të rëndësishme me rezultatin 4-1 ndaj Orikut në një përballje ku skuadra vlonjate tregoi efikasitet në fazën sulmuese dhe arriti të kontrollojë lojën duke hedhur pas krahëve kundërshtarin me katër gola të shënuar.
Protagonisti kryesor i takimit ishte Barri i cili realizoi dy herë ndërsa Berisha dhe Keneth plotësuan suksesin e Flamurtarit.
Ndeshja nisi me të dyja skuadrat që kërkuan të gjenin hapësirat e duhura për të rrezikuar portën kundërshtare. Flamurtari u shfaq më kërkues dhe arriti të konkretizonte epërsinë e tij në minutën e 28-të kur Berisha u tregua i saktë nga pika e bardhë e penalltisë,duke zhbllokuar rezultatin dhe kaluar vlonjatët në avantazh.
Goli i parë i dha më shumë qetësi Flamurtarit që vijoi të kërkonte hapësira për të goditur sërish.
Në minutën e 40-të skuadra vlonjate fitoi një tjetër penallti me Barrin që mori përsipër ekzekutimin dhe nuk gaboi.
Sulmuesi dërgoi topin në rrjetë duke dyfishuar shifrat në 2-0 dhe duke i dhënë Flamurtarit një avantazh të rëndësishëm përpara pushimit mes dy pjesëve.
Me dy gola të shënuar dhe kontrollin e rezultatit Flamurtari e mbylli pjesën e parë në pozita të favorshme ndërsa Oriku u detyrua të kërkonte më shumë në vazhdim për të rikthyer emocionet në këtë përballje.
Pjesa e dytë
Pas rikthimit në fushë Flamurtari nuk e uli ritmin dhe vazhdoi të kërkonte golin duke mos i dhënë shumë mundësi Orikut për të besuar te përmbysja.
Në minutën e 58-të Keneth realizoi golin e tretë për vlonjatët duke e çuar rezultatin në 3-0 dhe duke e bërë edhe më të vështirë misionin e skuadrës kundërshtare.
Me një epërsi të konsiderueshme Flamurtari vijoi të administronte lojën por pa hequr dorë nga sulmet.
Në minutën e 76-të Barri shënoi sërish duke realizuar golin e tij të dytë personal dhe të katërtin për Flamurtarin.
Rezultati 4-0 pasqyronte epërsinë e skuadrës vlonjate dhe efikasitetin e saj në momentet vendimtare të takimit.
Oriku pavarësisht disavantazhit të thellë vijoi të kërkonte golin që do t’i jepte mundësinë të largohej me një rezultat më pak të rëndë.
Përpjekjet e vendasve u shpërblyen në minutën e 87-të kur Llojaj shënoi nga pika e bardhë e penalltisë duke ngushtuar shifrat në 1-4.
Goli i Orikut nuk ndryshoi fatin e ndeshjes pasi Flamurtari arriti ta ruante portën duke mos pësuar sërish deri në vërsh
Fatos LAMAJ
