Monday, May 20, 2024

FSHF Zyrtare-Kategoria e Tretë ul siparin e edicionit 2023-2024. Basania dhe Memaliaj shpallen fituese të grupeve A & B

Lexo

Basania dhe Memaliaj janë skuadrat fituese të grupeve A dhe B në kategorinë e tretë. Pas 14 javësh garë, këtë të diel ka ulur siparin kampionati i kategorisë së tretë, ku janë vendosur edhe fatet e skuadrave që garuan në këtë edicion futbollistik në këtë kategori.

Në grupin A, gara ishte mjaft e fortë, teksa vetëm pas ndeshjeve të ditës së luajtur ditën e sotme është përcaktuar edhe skuadra fituese e këtij edicioni, që është Basania dhe që do të ngjitet në Kategorinë e dytë vitin e ardhshëm. Basania ka grumbulluar 30 pikë në total gjatë këtij edicioni, po aq sa Eagles Football, por për shkak se ka fituar ndeshjen direkte, siguroi vendin e parë në grup.

Memaliaj është shpallur fituese në grupin B dhe është ngjitur automatikisht në kategorinë e dytë të kampionatit shqiptar për sezonin e ardhshëm futbollistik.

Memaliaj dhe Basania do të përballen me njëra-tjetrën në një ndeshje finale, ku do të përcaktohet edhe skuadra kampione e Kategorisë së tretë për edicionin 2023-2024.

Sakaq, Eagle Football në grupin A dhe Albpetrol në grupin B do të përballen me njëra-tjetrën në një ndeshje teke dhe skuadra fituese do të përballet në play-off me humbësin e sfidës play-out mes Maliqit dhe Albanëve të Kategorisë së Dytë. Ekipi fitues do të ngjitet/qëndrojë në Kategorinë e dytë.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img