Friday, April 19, 2024

Futboll 9×9/Pas javës së dytë të kampionatit, Panthers Shkodra bashkëkryesues në grupin A dhe ATS grupi B

Lexo

Janë luajtur javën e kaluar ndeshjet e javës së dytë në kampionatin e futbollit amator 9×9 “FSHF Sunday League”, që organizohet nga FSHF, e që kanë dhuruar gola të bukur e rezultate interesante. Tashmë kanë nisur të përvijohen edhe skuadrat pretendente në të dyja grupet në zonën e Tiranës.

Në Grupin A, spikat fitorja e FC Dussel me rezultatin e thellë 7-0 ndaj North Gate që e pozicionin këtë skuadër në vendin e parë me 6 pikë në dy ndeshje dhe me golavarazh më të mirë. Panthers Shkodër ka marrë gjithashtu fitoren e dytë pasi mundi 4-0 Futura Dent, ndërsa Prestige MFC mposhti 4-2 KKD. Edhe Vila-L MFC ka siguruar pikë të plota në këto dy javë me suksesin 3-1 ndaj Coca Cola Tepelena.

Grupi B kryesohet aktualisht nga ATS që arriti të thyej Barrikadën 2-0 dhe ka pikë të plota ashtu si edhe Dajti, që fitoi 3-1 ndaj Enco Al dhe Primo MFC që mundi me të njëjtin rezultat 3-1 dhe ka po 6 pikë pas dy javësh. Kryesuesit e grupit i kompleton Hidro Alfa që mposhti minimalisht 1-0 IMMI.

Janë regjistruar vetëm tre barazime në këtë javë të dytë, ndërkohë që gara është shumë e fortë dhe diferencat mes skuadrave janë shumë të vogla.

Interesi nga futbolldashësit vazhdon të jetë i lartë dhe të gjitha ndeshjet janë ndjekur nga një numër i konsiderueshëm tifozësh për një kampionat amator futbolli.

Më poshtë edhe rezultatet e javës së dytë të kampionatit të futbollit amator 9×9 “FSHF Sunday League”:

FSHF Sunday League Albania

Java e 2-të

Grupi A

Btl – Antigonean                                        3-1

Futura Dent – Panthers Shkodër                 0-4

North Gate – FC Dussel                                  0-7

Albamer – Md                                                 1-1

Coca Cola Tepelena – Vila -L MFC         1-3

Kkd – Prestige MFC Team                              2-4

Roamel – Ju ar plast                                  2-0

Ferraj FC – Pastaria                                          1-0

Jata market – FB Passion                       0-0

Grupi B

Barrikada – Ats                                                 1-2

Raiffeisen bank – Al Ar                               1-2

Homeland Patriots – Elso                       1-1

Enco Al – Dajti FC                                             1-3

FC Confucius – Security Oktapus          1-2

Kastriotët – Nova                                           3-2

Hidro Alfa – Immi                            `               1-0

Primo MFC – Friends Team                         3-1

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img