Thursday, February 22, 2024

Futboll Femra-Luhet java e 7-të, fitore për Vllazninë dhe Tiranën, që bashkëkryesojnë kampionatin me pikë të barabarta

Lexo

Kampionati Kombëtar i futbollit për femra, luajti këtë fundjavë ndeshjet e javës së 7-të. Asnjë surprizë nga Tirana e Vllaznia, dy ekipet që renditen në vendin e parë dhe të dytë të klasifikimit me të njëjtën kuotë pikësh.

Pas ndeshjes së mesjavës në Paris, kundër francezeve të Paris Saint-Germain, me tu kthyer në Shqipëri Vllaznia udhëtoi drejt Tiranës, ku luajti sfidën e javës së shtatë kundër Kinostudios. Shkodranet morën tre pikëshin e radhës në kampionat, duke triumfuar kundër kryeqytetaseve me shifrat 0-7 falë dopietave të Jehona Shalës, Ersi Lufos dhe Megi Doçit, si dhe një gol tjetër me 16 vjeçaren e talentuar, Klaudja Borçi.

Ndërkohë, rivalja direkte e Vllaznisë, Tirana triumfoi me goleadë kundër Lushnjes duke e mundur ekipin myzeqar me rezultatin 19-0. Një sfidë e lehtë për kryeqytetaset, të cilat këtë sezon e kanë nisur shumë mirë kampionatin, ndërsa Lushnja ende nuk e kanë bërë ‘sefte’ këtë edicion,

Në takimet e tjera, Apolonia mundi Skëndërbeun në shtëpi me shifrat 7-0, në një sfidë ku dominuan totalisht fieraket, të cilat kaluan në avantazh që në minutën e 17-të me Valentina Trokën, e cila e mbylli ndeshjen me 6 gola të shënuar. Për Apoloninë shënoi dhe Kea Hamonikaj duke i dhënë kështu një tre pikësh shumë të rëndësishëm fierakeve, të cilat pas shtatë javësh renditen në vendin e tretë, me 6 fitore dhe një humbje.

Partizani u rikthye te fitorja pas barazimit në shtëpi me Laçin javën e kaluar. Kryeqytetaset mundën Kukësin në transfertë me shifrat 0-6, duke u renditur në vendin e pestë me 10 pikë pas shtatë javësh. Në takimin tjetër të javës, Laçi – Teuta triumfuan vajzat durrsake 1-2 me përmbysje, me Laçin që kishte kaluar në fillim në avantazh me Cakën ndërkohë që Teuta përmbysi falë dopietës së Estrela Habilit.

Rezultatet e javës së 7-të të Kampionatit Kombëtar të femrave

Apolonia 7-0 Skënderbeu 

Kukësi 0–6 Partizani

Laçi 1–2 Teuta

Tirana 19–0 Lushnja

Kinostudio 0-7 Vllaznia 

Renditja pas javës së shtatë të Kampionatit

Vllaznia 21 pikë

Tirana 21 pikë

Apolonia 18 pikë

Kinostudio 12 pikë

Partizani 10 pikë

Kukësi 6 pikë

Teuta 6 pikë

Skënderbeu 3 pikë

KF Laçi 1 pikë

Lushnja 0 pikë

 

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img