Friday, March 29, 2024

Futboll Femra-Mbyllet java e 10-të e K. Kombëtar/ Vllaznia, Apolonia e Partizani e nisin mbarë fazën e dytë

Lexo

Java e 10-të e kampionatit të vajzave ka ulur siparin këtë të diel, me ndeshjen Apolonia – Kinostudio të zhvilluar ditën e sotme, teksa sfidat e tjera të javës u luajtën më herët. Faza e dytë e kampionatit nisi me derbin verior, me Vllazninë që u përball me Laçin. Kampionet në fuqi të vendit e nisën në mënyrën më të mirë të mundshme këtë fazë të dytë, duke triumfuar me shifrat e thella 12-0. Në takimin e luajtur në fushën sportive “Reshit Rusi”, shkodranet ishin dukshëm superiore, me gola të shënuar nga Luçije Gjini (1), Megi Doçi (8) si edhe Esmeralda Franja (3). Vllaznia renditet e vetme në krye të klasifikimit, me 30 pikë pas 10 javësh.

Të shtunën, Partizani siguroi gjithashtu një fitore të thellë ndaj Lushnjes. Kryeqytetaset triumfuan me shifrat 14-0 në ndeshjen e luajtur në stadiumin ‘Partizani’, një takim i dominuar totalisht nga të kuqet e drejtuara nga Ylli Shehu. Golat për Partizanin u shënuan nga: Bushati (3), Loci (2), Xhebrahimi, Dedgjonaj, Leba, Goro, Koka, Bilali, Shahu e Xhemollari.

Java e 10-të e kampionatit u mbyll me takimin Apolonia – Kinostudio. Një ndeshje mjaft e luftuar nga të dyja ekipet, ku nuk munguan golat, kartonat e verdhë dhe të kuq. Fieraket triumfuan me goleadë, me 9 gola të realizuar në portën kundërshtare. Troka shënoi 4 gola, teksa edhe Levenaj e Sesu realizuan nga dy gola të tjerë, ndërsa Nushi vulosi rezultatin.

Ndërkaq, dy takimet e tjera të javës, Tirana – Kukësi dhe Teuta – Skënderbeu nuk u zhvilluan për shkak se Kukësi dhe Skënderbeu nuk u paraqitën në ndeshjet përkatëse.

Ndeshjet e javës së dhjetë në kampionatin e vajzave:

KF Laçi 0–12 Vllaznia

Partizani 14–0 Lushnja

Apolonia 9–0 Kinostudio

Renditja aktuale:

Vllaznia 30 pikë

Tirana 24 pikë*

Apolonia 24 pikë

Partizani 19 pikë

Kinostudio 15 pikë

Teuta 9 pikë*

KF Laçi 7 pikë

Kukësi 6 pikë*

Skënderbeu 3 pikë*

Lushnja -3 pikë

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img