Friday, March 29, 2024

Futboll Kategoria e Parë/ 8 duele sot për javën e katërt që startojnë në orën 14.00, spikat derbi verior, Korabi-Besëlidhja

Lexo

Tetë duelet e ditës së sotme për kategorinë e parë të futbollit shqiptar janë të gjitha për tu parë, pasi secila prej tyre ka të veçantë e vetë, qoftë në synimet e kreut të renditjes, por edhe të qëndrimit sa më larg të zonës së “ftohtë” që të largon nga kategoria.

Mes tyre, ajo që klasifikohet si më e rëndësishmja e kësaj jave ka të bëjë me derbin verior, Korabi-Besëlidhja. Dy skuadra këto sistematikisht në çdo sezon futbollistik shfaqen si pretendente kryesore për kualifikimin në Superiore. Ndonëse dibranët gjenden në vendin e dytë të renditjes dhe Besëlidhja për momentin e parafundit, sfida pritet të zhvilohet e fortë, pasi të dyja skuadrat kërkojnë fitoren tre pikëshe.

Pukjanët e drejtuar nga trajneri shkodran, Elvin Beqiri janë mysafirë në Fier për tu ndeshur me Apoloninë vendase, në një ndeshje që Tërbuni ka synimet e vetë për të marrë rezultat pozitiv.

Takim i fortë dhe me emocione është edhe ai që do të luhet në stadiumin “Liri Ballabani” të Burrelit në mes skuadrës vendase dhe Besës së Kavajës, si dhe Pogradeci-Bylis, edhe këto skuadra pretendente për në Superiore. Ndërkohë Erzeni pret Turbinën në fushën e tij, Shkumbini pret Maliqin, ashtu si edhe Lushnja luan brenda me Butrintin, ndërkohë që Tomori luan në transfertë me Vorën.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img