Futboll Kategoria e Tretë/KF Murlani mund thellësisht KF Drinin 9-2 dhe kryeson kampionatin me 9 pikë

Lexo

(Video)Volejboll Meshkuj- Vllaznia humb në shtëpi me Partizanin, 0-3. Trajneri Kalaja, vlerëson elementin e ri(Liga Kombëtare “Gjergj Kastrioti”)

Vllaznia-Partizani 0-3(7-25, 18-25, 21-25)E mërkurë, 25 janar 2023, ora 18:30, Pallati i Sportit “Qazim Dervishi” ShkodërVllaznia: Nikolin Qafarena, Esmirald...

Mbrëmja Gala “Më të mirët 2022”. Nga Vllaznia e futbollit femra, tek Gurishta dhe Hakaj, në formacionin e vitit, Shkodra me përfaqësim dinjitoz për...

Futbolli shkodran, për femra dhe meshkuj, pritet të ketë një përfaqësim dinjitos në mbrëmjen gala që Federata Shqiptare e...

KF Murlani nuk di të ndalet. Ashtu siç ka në të vërtetë edhe emrin, “Murlani” po përpin një e nga një të gjithë ekipet kundërshtarë të Kampionatit Kombëtar të kategorisë së tretë. Pasi ka likujduar na javën e parë Kinostudion dhe në të dytën Luftëtarin, “viktimë” e Murlanit në javën e tretë ishte skuadra e KF Drinit që përfaqëson Dibrën.

Në ndeshjen e zhvilluar pasditen e sotme në stadiumin e Kamzës, KF Murlani shpartalloi KF Drinin duke e mundur thellësisht me rezultatin 9 me 2. Presioni i KF Murlanit ndaj skuadrës kundërshtare ka qënë i furishëm që në start të takimit kur në harkun kohor të 15-të minutave ka arritur të tundë tre herë rrjetën kundërshtare. Goli i parë ka ardhur që në minutën e 3-të me autor Senad Krajën, për të vijuar më pas me dopieten e Ari Djepaxhisë, përkatësisht  në minutat e 11-të dhe të 15-të.

Me avantazhin 3 me 0 që në start të takimit, skuadra murlanase e drejtuar nga trajneri Altin Xhahysa ka krijuar jo vetëm superioritetin e duhur, por edhe qetësinë për ta administruar në mënyrën më të mirë ballafaqimin në fjalë. Pjesa e parë do të kishte edhe dy gola të tjerë në favor të Murlanit, përkatësisht në minutat 25-të dhe 32-të me autorë Sabian Krajën dhe Vildan Kaçubelen dhe kështu 45 minutat e para mbyllen me avantazhin e thellë 5 me 0 në favor të KF Murlanit.

Në pushimin mes dy pjesëve të lojës, trajneri murlanas, Altin Xhahysa këshillon lojtarët e tij që të mos ulin tempin e lojës së tyre dhe në fakt ashtu ndodhi kur 45 minutat e dyta dhuruan edhe katër gola të tjerë për KF Murlanin. Spikat dopieta e Soni Hotit, për të vijuar më pas me dy golat e tjerë që kanë për autor  Bekim Muriqin dhe  Senad Lekajn. Me këto katër gola të pjesës së dytë dhuke i shtuar edhe pesë të tjerët e pjesës së parë, ndeshja KF Murlani-KF Drini mbyllet me fitoren e thellë të Murlanit me rezultatin 9 me 2.

Me këtë fitore të javës së tretë ndaj KF Drinit, KF Murlani shkon në kuotën e 9 pikëve duke kryesuar i vetëm tabelën e klasifikimit me 9 pikë të plota. Një start ky fantastik për këtë klub, i cili falë administrimit perfekt të vëllëzerve Përparim dhe Bledar Rraboshta, ka objektiva madhor, ku synimi është që shumë shpejt kjo skuadër që përfaqëson Barbullushin ku ka selinë dhe Rajonin e  Bashkisë Vau Dejës në përgjithësi të konkurojë në kategorinë Superiore të futbollit shqiptar.

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -