Është hedhur në Stamboll shorti i Ligës së Kampioneve për fazën e grupeve
Është hedhur të enjten në Stamboll shorti i Ligës së Kampioneve për fazën e grupeve. Tetë grupe me nga katër skuadra ku sigurisht nuk mungojnë përballjet mes më të fortëve apo “grupet e ferrit” siç jemi mësuar ti quajmë zakonisht.
Shumë skuadra të forta në të njëjtin grup, siç është rasti i Grupit A, ku bashkë me Mançester Sitin janë dhe PSG e Lajpcig. E njëjta situatë dhe në Grupin B, ku Atletiko Madrid duhet të bëjë llogaritë me Milanin, Liverpulin dhe Porton.
Përballje interesante dhe në Grupin E, ku Bajerni do të vihet përballë Barcelonës, ndërsa në Grupin D, Interi do të masë forcat me Realin e Madridit. Në Grupin H, Çelsi do të ketë përballë Juventusin, bashkë me Zenit dhe Malmo.
