Monday, July 15, 2024

Futboll U-21 / Andorra-Shqipëri 0:3, shkodrani Broja, kapiten dhe golashënues

Lexo

Shqipëria e 21 vjeçarëve e drejtuar nga trajneri Alban Bushi e ka nisur në mënyrën më të mirë të mundshme rrugëtimin në kualifikueset e Kampionatit Europian 2023, duke munduar pastër 3-0 Andorrën në transfertë, falë golave të Armando Brojas, Anis Mehmetit dhe autogolit të Alvarez. Një nisje e tillë ishte premtuar edhe nga trajneri Bushi një ditë më parë, kur u shpreh se skuadra ka punuar mirë dhe do të tregojë cilësitë në lojë.

Tekniku i 21 vjeçarëve e nisi ndeshjen me këtë formacion: Alia; Kalaj, Pëllumbi, Mitaj, Marku, Dobra, Mehmeti, Vangjeli, Ismajlgeci; Karrica, Broja. Gjatë ndeshjes u aktivizuan edhe Mema, Gjata, Bushaj.

Pjesa e parë nisi e kujdeshme, me kuqezinjtë që po studionin kundërshtarin dhe kërkonin të ambientoheshin shpejt me fushën sintetike. Pas 10 minutave të para mekanizmat sulmues fillojnë të funksionojnë dhe kuqezinjtë afrohen në portën e Andorrës. Goli i parë do të vinte në minutën 17-të me autor shkodranin Armando Broja, i cili në këtë ndeshje mbajti edhe shiritin e kapitenit të skuadrës. Për t’u theksuar është se goli i shënuar nga Armando Broja ishte tipik në stilin e tij duke i vjedhur topin mbrojtjes kundërshtare dhe duke arritur të zhbllokojë ndeshjen. Goli qetëson kuqezinjtë që në minutën e 43-tē gjejnë dhe golin e dytë me anë të Anis Mehmetit që shndërron në gol një penallti të fituar nga Dobra. Me avantazhin e dy golave mbyllet fraksioni i parë. Në të dytin skuadra e Bushit nuk e ul ritmin dhe gjen golin e tretë në të 63-tën me autogolin e Alvarez, që nuk kishte mundësi tjetër duke parë aksionin e shkëlqyer të 21 vjeçarëve tanë. Në minutat e fundit ka edhe shanse të tjera shënimi por gjithçka përfundon 3-0. Nisje e shkëlqyer e edicionit eliminator.

Në datë 8 qershor, Shqipëria U-21 do të luajë një ndeshje miqësore ndaj Bullgarisë në Sofie, ndeshje që do ti shërbejë trajnerit Bushi për të provuar të gjithë lojtarët që ka në dispozicion.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img