Sunday, May 19, 2024

Gjest fantastik i Vllaznisë! Vizitë, mbështetje dhe kurajo, Esat Malës, në spital pas operacionit.

Lexo

Ekipi i Vllaznisë ka bërë sot një gjest fantastik në mbështetje të Esat Malës, futbollistit kuqeblu, i cili gjatë ndeshjes, së kaluar Vllaznia-Partizani, luajtur në stadiumin “Loro Boriçi”, u dëmtua rëndë duke lënë fushën e lojës me barrelë. Një vizitë mbështetje dhe kurajo ndaj kolegut të tyre për ta kaluar me sa më sukses dëmtimin e marrë.

Skuadra kuqeblu, ka udhëtuar sot drejt kryeqytetit për ndeshjen e rradhës, por njëkohësisht ka shfrytëzuar edhe mundësinë për t’i bërë një vizitë futbollistit kuqeblu Esat Mala që siç është bërë e ditur, i është nënshtruar ditën e djeshme një ndërhyrje kirurgjikale.

Lojtarët dhe pjestarët e stafit teknik i kanë shprehur atij mbështetjen në këtë moment të vështirë dhe njëkohësisht i kanë bërë të ditur se e presin shpejt në gjirin e tyre.

Ndërkohë KF Vllaznia me këtë rast, përpos mjekëve dhe personelit të spitalit ku është bërë ndërhyrja e Malës, dëshiron të falenderojë edhe Spitalin Rajonal Shkodër, me stafin e mrekullueshëm të doktorëve dhe infermierëve që u gjendën pranë në rastin e këtij lojtari, dhe po ashtu edhe përkushtimin e veçantë të drejtorit të spitalit, Dr.Senad Hallunit.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img