Friday, March 29, 2024

(Intervista) Skënderbeu-Vllaznia 1-1. Memelli:”Jam krenar për këta djem, kanë bërë një ndeshje të madhe ndaj një skuadre shumë të fortë si Vllaznia!”

Lexo

Migen Memelli (Trajner i Skenderbeut)

“E dinim forcën e Vllaznisë sot. Kishim vendosur një skuadër mjaft të fortë fizikisht. Vllaznia ka përdorim topi të jashtëzakonshëm. Të gjitha gjërat shkuan brenda parashikimeve. Duhet ta kishim trefishuar rezultatin në pjesën e parë. Nuk kishim fat. Djemve iu kërkova që të ruanim intensitetin dhe agresivitetin e pjesës së parë. Pjesa e dytë ishte më e vakët, skuadra ka lodhje fizike kur kundërshtari mban topin. Provuam të freskonim manovrën sulmuese, hoqëm Pusin, futëm lojtarin egjiptian që humbi 6 topa. Është përgjegjësia e jona. Në fund të gjithçkaje, jam krenar për këta djem, sepse kanë bërë një ndeshje të madhe ndaj një skuadre shumë të fortë. Çdo ndeshje do të jetë brenda këtyre parametrave. Sot na dëmtoi dhe dëmtimi i Marës, do të përballemi si të barabartë me të gjitha skuadrat.

Edhe pse Skënderbeu ka tetë ndeshje që nuk fiton, mendoj se sido që të jetë, pjesa e dytë në Durrës, na dha besim, sikurse dhe kjo ndeshje sot, përballë një rivali shumë të fortë. Duhet të largojmë frikën nga lojtarët, për t’u përballur me kundërshtarët. Nëse përballemi me realitetin çdo gjë do të shkojë mirë.

Sa i përket Rrapajt është pezulluar nga mua për 2 ndeshje për çështje disiplinore, dhe javës tjetër do të jetë i barabartë me të gjithë të tjerët.

Për golin e pëshar, mendoj se janë 3 detaje. I pari është që Pusi duhet t’i shkarkonte topin Meksit. Krahu i Zguros duhet të mbyllej më shpejt. Detaji tjetër i fundit, është ai i fundit, kur Zhan shkon dhe godet kundërshtarin. Nuk jam i bindur nëse ishte penallti, por nuk dua t’i analizoj vendimet e gjyqtarëve. Kjo është shumë e lehtë për t’u dhënë penallti. Inercia ishte shumë e lartë, për kontaktin nuk e di”.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img