Federata Shqiptare e Futbollit ka organizuar këtë të mërkurë hedhjen e shortit për edicionin e katërt të Kampionatit Kombëtar të futbollit “5×5” për zonën e Tiranës.
Ky kampionat do të startojë në javën e parë të muajit tetor. Në shortin e zhvilluar në ambientet e “Shtëpisë së Futbollit”, që u drejtua nga drejtuesi i Departamentit ë Futbollit Amator në FSHF, Jurgen Demneri, u përcaktua ndarja e grupeve për zonën e kryeqytetit.
Në këtë edicion të katërt të kampionatit 5×5 në Tiranë do të marrin pjesë 57 skuadra, të ndara në gjashtë grupe. Skuadrat do të luajnë me sistem vajtje-ardhje dhe më pas do të shpallin fituesin e kryeqytetit përmes fazës play-off.
Një ndër risitë është krijimi i një grupi ku do të marrin plot 10 ekipe nga Forcat e Armatosura.
Kampionati më popullor i futbollit amator në Shqipëri ka ngjallur sërish interes të madh mes të apasionuarve të futbollit, ndërkohë që shumë shpejt do të hidhet shorti edhe për kampionatet e zonave te tjera rajonale.
Më poshtë grupet e Kampionatit Kombëtar të Futbollit “5×5” për zonën e Tiranës:
GRUPI 1: Casa de Fitness, Volta, Tulipanët, Pharma Cell, Kastriotët, Vila L, ATS, FC Kombinat, Shqiponja, Tillate Al St.
GRUPI 2: Turgut Ozal, FC Tigres, Legjendat, TV Klan, ROYALS, Whisky Bar, Marquez Kaffee , Immi, Old Friends, Dental Turk.
GRUPI 3: FC Jata Market B, Nabuço Lounge, Homeland Albania, Union Bank, Elso, GD Company, Çamëria, SFC Albania, Luem, Tech Team.
GRUPI 4: Jata Market, FC Drini, Dok Team, Erniku GS, Autoclinic, Julton, Holiday planner.al .
GRUPI 5: Cep Dinamo Invest, United Boys, Dajti, Danoçët, Sony A.D, Ventura, Barrikada, Barrikada B, Allias, FC Lucky.
GRUPI 6 (Forcat e Armatosura) – BMBPFSHA, Forcat Tokësore, Forcat Detare, Forcat Ajrore, Komando Mbështetëse, AISM, Policia Ushtarake, ekipi i Akademisë FA, ekipi i FT Speciale, ekipi i FT Komando.
