Tuesday, July 23, 2024

Këngë kushtuar “legjendës” së peshëngritjes shqiptare, Faruk Kalleshi, “NDERI I KOMBIT”

Lexo

Një këngë kushtuar figurës së njohur të sportit shqiptar, ish peshëngritësit dhe trajnerit kampion, Faruk Kalleshi, pritet të dalë këto ditë për publikun. Për këtë ka menduar Ilmi Kurti, i cili krahas kontributit të çmuar që vazhdon të japë si Kryetar i Shoqatës Atdhetare “Malësia” është mjaft aktiv edhe në fushën e botimeve të librave, ndërkohë që më herët, për disa vite me radhë ishte në postin e Presidentit të Shoqatës së Mundjes shkodrane. Nga sa mësohet, Kurti, është në proçesin e fundit të këngës së përgatitur posaçërisht për mikun e tij, ish kampionin dhe rekordmenin absolut të peshëngritjes shqiptare, “Nderin e Kombit”, Faruk Kalleshi.

Kënga, me tekst të Ilmi Kurtit, muzikë Andi Unaza, kënduar nga” Ikona e këngës qytetare ” Zamir Jakupi, me titull “JE LEGJENDË E SHQIPTARISË”, pritet të promovohet së shpejti në qytetin e Shkodrës!

I

Kush ja dha shkodrës lavdinë

Që gjithë bota e vlerëson

Djemt e tu moj shkoderloce

Në çdo fushë i ke kampion.

Djepi i artit e kulturës

Gjithmonë fati të buzqeshi

Me kampiona e rrekordmena

Si Nderi i Kombit Faruk Kalleshi

RREFRENI

Ti e ban shqipen krenare,

Kush sa ti Shkodrën se deshi,

Je gjithmonë legjendë e gjallë,

Nderi i Kombit Faruk Kalleshi,

Gjoksi yt mbush me medalje,

Për flamurin kuq e zi,

Asnjë herë në Pedanë su ndale,

Je frymëzim për shqiptari.

II

Ti moj Shkodër zojë e randë,

Ke rrit djalë si napoloni,

Në pedanat e Europës,

Dhjetra herë doli kampioni,

Emri tij në librin ginës,

Me at zemër prej florinit,

Krenari për çdo shqiptar,

Nderi i Kombit e i njerëzimit.

Ilmi Kurti 20 Maj 2021

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img