Migen Memelli nuk është më trajner i Vllaznisë. Situata jo e mirë e kuqebluve në tabelën e klasifikimit duket që është bërë shkak që drejtuesit e klubit kuqeblu dhe trajneri të ulen dhe të diskutojnë, ku në fund kanë rënë dakort që të ndërpresin bashkëpunimin me mirëkuptim. Një gjë të tillë, e sqaron komunika zyrtare për shtyp e shpërndarë për mediat pak caste më parë nga ana e KF Vllaznia.
KOMUNIKATË PËR SHTYP
Klubi i Futbollit Vllaznia njofton ndërprerjen me mirëkuptim të dy palëve marrëveshjen me trajnerin Migen Memelli. Falenderojmë trajnerin për gjithë kontributin e dhënë gjatë kësaj periudhe nën drejtimin e Vllaznisë. Pavarësisht pozicionit jo të mire të renditjes aktuale te ekipit tonë, ne vlerësojmë maksimalisht përpjekjet, ndershmërinë, integritetin e trajnerit Memelli dhe i urojmë suksese në karrierën e tij të ardhshme.
Ndërkohë, nga ana tjetër kolegu ynë sportiv i Klan Maqedonia, Shaban Sinani, njofton ekskluzivisht për Veriu Sport, se trajneri i r ii Vllaznisë është Qatip Osmani
“Njëri ndër trajnerët më të suksesshëm shqiptar në futbollin e Maqedonisë së Veriut, Qatip Osmani, nga dita e sotme edhe zyrtarisht është emëruar si trajner përgjegjës në klubin e futbollit Vllaznia të Shkodrës në superligën shqiptare.
Në një deklaratë ekskluzive për Klan Maqedoni, Qatip Osmani, tha “ Përfundimisht kemi rënë dakord me drejtuesit e klubit të futbollit Vllaznia të Shkodrës që të jem trajner përgjegjës. Me punë me ekipin e Vllaznisë do të nis që nga dita e hënë. Me drejtuesit e klubit kemi firmosur kontratë një vjeçare”.
Qatip Osmani deri tani në tre raste ka drejtuar ekipin e Shkëndijës me të cilën skuadër ka fituar tre tituj kampion, një Kupë dhe një Super Kupë, ndërsa në garat ndërkombëtar ka luajtur në play-off, për kualifikim në fazën e grupeve në Evropa Liga. Qatip Osmani pesë vite ishte trajner i parë i KF Renova, gjashtë muaj ishte trajner I FC Shkupi dhe KF Drita të Bogovinës.”, shkruan ekskluzivisht për Veriu Sport, gazetari i mirënjohur sportiv i Klan Maqedonia, Shaban Sinani.
