Komiteti Ekzekutiv i UEFA-s do të mbajë mbledhjen e tij të radhës në Bilbao, Spanjë, nesër, më 21 maj nga ora 10:00 deri në 13:00, përpara finales së këtij sezoni të UEFA Europa League ndërmjet Tottenham Hotspur dhe Manchester United, e cila do të zhvillohet në stadiumin San Mamés në Bilbao po atë mbrëmje.
Në mbledhjen e Komitetit Ekzekutiv të UEFA-s do të diskutohen disa çështje kryesore:
Çështje të kompeticionit UEFA EURO 2028
Parimet e shpërndarjes së programit i përfitimeve për klubet për periudhën 2024–28,
Rregulloret e garave UEFA për djem nën 17 dhe nën 19 vjeç për sezonin 2025/26
Rregulloret e garave UEFA për vajza nën 17 dhe nën 19 vjeç për sezonin 2025/26
Rregullorja e Superkupës së UEFA-s për sezonin 2025/26
Përditësim mbi Programin e Vëzhgimit të Strukturave të Qëndrueshme
Raportet e komiteteve të UEFA-s
Vendimi në lidhje me caktimin e vendeve pritëse për finalen e UEFA Champions League 2027 dhe finalen e UEFA Women’s Champions League 2027 është shtyrë për arsye operative deri në mbledhjen e ardhshme të Komitetit Ekzekutiv të UEFA-s në shtator.
